Gweithiwr Cymdeithasol Ymgynghorol (HIL) Cymru

You can also read this page in English.

Datblygwyd y rôl yn dilyn cyfres o ddigwyddiadau gwrando a gynhaliwyd gan Albert Heaney, Prif Swyddog Gofal Cymdeithasol Cymru. Gyda dros 300 o gyfranogwyr yn mynychu o wahanol gefndiroedd (gweithwyr proffesiynol, pobl â phrofiad bywyd, defnyddwyr y gwasanaethau, gofalwyr, grwpiau lleiafrifol o ran hil ac arweinwyr y sector), comisiynwyd y swydd hon yn dilyn pryderon canfyddadwy am y bwlch sylweddol rhwng egwyddorion Deddf Gwasanaethau Cymdeithasol a Llesiant (Cymru) 2014, a phrofiad bywyd pobl. Mae'r Ddeddf yn dal i gael ei gwerthfawrogi'n eang fel sylfaen ar gyfer ymarfer sy'n seiliedig ar hawliau ac sy'n canolbwyntio ar bobl. Fodd bynnag, cyfeiriodd y cyfranogwyr hefyd at y ffaith bod trosi'r weledigaeth hon yn ymarfer bob dydd yn parhau i fod yn her sylweddol a rennir ar draws y sector. 

Roedd cydnabyddiaeth gref o'r ymroddiad a ddangoswyd gan arweinwyr ac ymarferwyr gwaith cymdeithasol o dan bwysau cynyddol. Ar yr un pryd, rhannodd pobl fyfyrdodau gonest am yr angen i gryfhau dulliau gwrth-hiliol ac ymateb i ddiwylliant, sicrhau safonau mwy cyson ledled Cymru, ac adeiladu ar ymdrechion cyfredol i wella'r defnydd o ddata rhanedig a mewnwelediad o brofiad byw. Galwodd cyfranogwyr am arweinyddiaeth weladwy, goruchwyliaeth fyfyriol ac emosiynol ddeallus, a chanolbwyntio ar y cyd ar ymgorffori cydraddoldeb hiliol ar bob lefel o ymarfer. 

Prif swyddogaeth y rôl hon yw cefnogi cyflawni Cynllun Gweithredu Gwrth-hiliol Cymru (ArWAP) Llywodraeth Cymru (diweddariad 2020 a 2024) mewn perthynas â gwaith cymdeithasol ac ymarfer gwaith cymdeithasol. Yn bennaf bydd hyn yn canolbwyntio ar: 

• ·Datblygu ymarfer gwaith cymdeithasol i gefnogi a datblygu gwell darpariaeth o wasanaethau i unigolion, teuluoedd a chymunedau sydd wedi'u lleiafrifu'n hiliol. Bydd hyn yn cynnwys cynghori ar ddarpariaeth arfer gwaith cymdeithasol a datblygiad proffesiynol y rhai sy'n gweithio yn y sector i sicrhau datblygiad arfer wrth weithio gydag unigolion sydd mewn perygl o anfantais yn seiliedig ar darddiad ethnig. Drwy hynny, cefnogi cymunedau i wella'r gwasanaeth a  dderbyniant, a nodi gwelliant a diwygio ar gyfer y sector yn seiliedig ar bolisïau a gweithdrefnau effeithiol, tystiolaeth gref a data cadarn. 

• ·Datblygu a chefnogi’r gweithlu - cefnogi datblygiad gweithlu gwrth-hiliol, cymwys a hyderus yn ddiwylliannol drwy ymgorffori hyfforddiant gwrth-hiliol a datblygu arweinyddiaeth, trwy ganolbwyntio ar lythrennedd a dealltwriaeth ddiwylliannol ar bob lefel. Cefnogi ac adolygu systemau data gwell i olrhain amrywiaeth, ecwiti a dilyniant y gweithlu - gan alluogi sefydliadau i fonitro effaith a mynd i’r afael ag anghydraddoldebau. Cefnogi llwybrau gyrfa cynhwysol i swyddi uwch i staff sydd wedi’u lleiafrifu’n hiliol, cynlluniau hyfforddi gweithlu a dargedwyd, a strwythurau cymorth penodol i weithwyr cymdeithasol sydd wedi’u lleiafrifu’n hiliol. 

• Cynghori a chefnogi wrth ddatblygu a gweithredu asesiadau effaith, cynlluniau gwrth-hiliol lleol a gwerthusiadau gwasanaeth. 

• ·Hyrwyddo ymarfer gwaith cymdeithasol gwrth-hiliol ledled Cymru - cynghori ar gyflwyno ymarfer gwaith cymdeithasol a datblygiad proffesiynol ymarfer wrth weithio gydag unigolion sydd mewn perygl o anfantais yn seiliedig ar ethnigrwydd. 

I gyflawni hyn, bydd y rôl yn: 

• Ymgysylltu'n strategol ar lefel Cyfarwyddwr ac arweinyddiaeth, i ddylanwadu a chefnogi newid systemig.
• Gweithio gyda gweithwyr proffesiynol a chyrff proffesiynol cynrychioliadol, ADSS, Gofal Cymdeithasol Cymru, CIW, HIW, Awdurdodau Lleol a CLlLC i godi ymwybyddiaeth, gwella gwybodaeth, nodi cyfleoedd hyfforddi a dangos llwyddiant trwy asesiadau effaith a gwerthusiadau wrth ddarparu gwasanaethau.
• Nodi a hyrwyddo mesurau sy'n cefnogi profiad unigolion sydd wedi'u lleiafrifu'n   hiliol yn y gweithlu.
• Nodi a hyrwyddo hyfforddiant, arfer da a chanllawiau sy'n cefnogi anghenion  gofal cymunedau hiliol
• Gwella hyder proffesiynol a chymhwysedd diwylliannol wrth ddarparu gwasanaethau
• Gwerthuso a dangos tystiolaeth o effaith ymyriadau gwrth-hiliol 

Yn bwysig, bydd y gwaith a'r swydd yn cael eu cefnogi gan rwydwaith sy'n cynnwys pobl â phrofiad byw, rheoleiddwyr a phartneriaid rhanddeiliaid. 

Amdana Singeta Kalhan-Gregory 

Mae Singeta yn arweinydd gwaith cymdeithasol deinamig a phrofiadol, sy'n cyfuno mewnwelediad strategol lefel uchel ac arbenigedd gweithredol â phrofiad rheng flaen helaeth. 

Yn weithiwr cymdeithasol cymwys ers 1995, mae hi'n dod â dros 25 mlynedd o effaith ledled y DU - o Lundain i Norfolk, Nottingham i Gymru - gan ddal swyddi arweinyddiaeth rheng flaen ac uwch mewn gwasanaethau statudol, y trydydd sector, ac addysg uwch. 

Mae ei harbenigedd yn cwmpasu: 

• Maethu a mabwysiadu 

• Iechyd meddwl a chyfiawnder ieuenctid 

• Ymarfer therapiwtig 

• Addysg gwaith cymdeithasol a diwygio'r gweithlu 

Mae hi wedi arwain gyda newid systemau cymhleth a thrawsnewid diwylliannol ar draws gwasanaethau cyhoeddus, gan aros yn wreiddiog mewn ymarfer sy'n cael ei arwain gan werthoedd bob amser. 

Ochr yn ochr â'i harweinyddiaeth gwaith cymdeithasol, mae Singeta yn gyfreithwraig gymwys ac yn gwnselydd integreiddiol a seicotherapydd profiadol iawn, ar ôl gweithio'n therapiwtig gyda phlant, teuluoedd ac oedolion ledled Llundain a Chaerdydd. 

Mae ei gyrfa unigryw yn cyfuno polisi, ymarfer a phobl - gan ei gwneud yn eiriolwr pwerus dros waith cymdeithasol gwrth-hiliol a newid systemig ar bob lefel.  

Fforwm Proffesiynol Gweithwyr Cymdeithasol Du ac Asiaidd yng Nghymru

(ar gyfer gweithwyr cymdeithasol, gweithwyr cymdeithasol myfyrwyr, rheolwyr gwaith cymdeithasol ac academyddion gwaith cymdeithasol).

Mae Fforwm Proffesiynol Gweithwyr Cymdeithasol Du ac Asiaidd yn darparu lle pwysig ar gyfer cysylltu, myfyrio a chydymdeimlad. Mae'n cynnig cymuned ddiogel a chadarnhaol lle mae profiadau byw yn cael eu deall a'u parchu. Lle i rannu heriau, dathlu cryfderau, dylanwadu ar newid, a chael cefnogaeth yn bersonol ac yn broffesiynol. Gyda'n gilydd, rydym yn creu lle i ffynnu mewn system yr ydym yn gweithio'n weithredol i'w gwneud yn fwy cyfiawn, cynhwysol a gwrth-hiliol. Am ragor o wybodaeth, anfonwch e-bost at Singeta.Kalhan-Gregory@basw.co.uk.